Venezuela opposition leader and Nobel Peace Prize winner, Maria Corina Machado, don talk say e go return back to im country as soon as possible, after US military remove President Nicolas Maduro from power.
Machado talk dis one on Monday for im first public talk since di weekend social media post about Maduro removal. She yarn di tori while she dey talk with American broadcaster Sean Hannity for Fox News, from place wey dem no disclose.
According to Machado, she no recognise Venezuela interim president, Delcy Rodriguez, accuse am say na one of di main people behind torture, oppression, corruption and drug trafficking for di country.
READ ALSO: Troops rescue abducted retired colonel for Plateau
Machado talk say Venezuelans no accept Rodriguez at all, add say di people dey fully behind di opposition.
She come strong say if Venezuela do free and fair election, di opposition go win pass 90 percent of di votes, say she no get any doubt about am.
Machado also promise say she go turn Venezuela to energy hub of di Americas, scatter all di criminal networks wey don spoil di country and bring back millions of Venezuelans wey don run commot di country because of hardship.